خیبرپختونخوا کے گورنرفیصل کریم کنڈی نے کہاہے کہ الائیڈ ہیلتھ سائنسز کا فروغ حکومت کی ترجیحات میں شامل ہیں۔انہوں نے ہفتہ کے روز ڈیرہ اسماعیل خان میں ایک تقریب سے خطاب کرتے ہوئے کہاکہ نرسنگ کے شعبے میں انسانی وسائل کی ترقی وقت کی اہم ضرورت ہے۔

فیصل کریم کنڈی نے دنیا کی ترقی یافتہ اقوام سے مسابقت کے لئے طب کے شعبے میں بین الاقوامی طریقہ کار اپنانے پرزور دیا۔

انہوں نے کہا کہ NAVTEC کے تحت نوجوانوں کو جدید فنی تعلیم کی فراہمی پر کام جاری ہے۔