وزیر خزانہ محمد اورنگزیب نے کہا ہے کہ پاکستان اپنی سرمائے کی منڈیوں کو چین کی منڈیوں سے مزید ہم آہنگ کرنے کیلئے جون تک YUAN-DENOMINATED پانڈا بانڈز جاری کر دے گا۔
ساؤتھ چائنا مارننگ پوسٹ کے ساتھ ایک خصوصی انٹرویو میں اُنہوں نے کہا کہ پاکستان چینی سرمایہ کاروں سے بیس سے پچیس کروڑ ڈالر حاصل کرنا چاہتا ہے اور یہ پاکستانی قوم کی فنڈنگ کی بنیاد کو متنوع بنانے کیلئے
انتہائی ضروری ہے۔
محمد اورنگزیب نے چین پاکستان اقتصادی راہداری کے اگلے مرحلے پر چین کے ساتھ باہمی تعاون کو مزید فروغ دینے کا عزم بھی ظاہر کیا۔
