فائل فوٹو
پاکستان اور چین نے بالخصوص مصنوعی ذہانت اور ڈیجیٹل بنیادی ڈھانچے کے شعبوں میں کاروباری اداروں کے درمیان تعاون بڑھانے کے عزم کا اعادہ کیا ہے۔
اس عزم کا اعادہ بیجنگ میں چائنا انٹرنیشنل فیئر فار ٹریڈ اِن سروسز کے موقع پر پاکستان چین بی ٹو بی کانفرنس میں کیا گیا۔
چین میں پاکستان کے سفیر خلیل ہاشمی نے کانفرنس سے خطاب کرتے ہوئے دونوں ممالک کے کاروباری اداروں کو عملی مواقع فراہم کرنے کے لیے مل کر کام کرنے کی اہمیت پر زور دیا۔
کانفرنس نے شرکا کو باہمی دلچسپی کے تجارتی شعبوں کی نشاندہی اور ابھرتے ہوئے ٹیکنالوجی پر مبنی شعبوں میں شراکت داری کے امکانات تلاش کرنے کے لیے پلیٹ فارم فراہم کیا۔
