وزیراعظم یوتھ پروگرام اور یو این ویمن پاکستان نے پاکستان میں نوجوان خواتین کو بااختیار بنانے، قیادت کے فروغ اور فیصلہ سازی میں بامعنی شرکت کو یقینی بنانے کے لیے مفاہمت کی یادداشت پر دستخط کیے ہیں۔
مفاہمت کی یادداشت پر آج اسلام آباد میں وزیراعظم یوتھ پروگرام کے چیئرمین رانا مشہود احمد خان اور یو این ویمن پاکستان کی کنٹری نمائندہ جمشید قاضی کے درمیان ملاقات کے دوران دستخط کیے گئے۔
معاہدے کے تحت دونوں ادارے خواتین کی قیادت، نوجوانوں کو بااختیار بنانے اور صنفی مساوات کے شعبوں میں تکنیکی تعاون، معلومات کے تبادلے اور مشترکہ اقدامات کے ذریعے تعاون کو فروغ دیں گے۔
