سیکیورٹی فورسز نے بلوچستان میں درہ بولان کے علاقے ڈھاڈر میں جعفر ایکسپریس پر حملہ کرنے اورمسافروں کو یرغمال بنانے والے سولہ دہشتگردوں کوہلاک اورمتعدد کو زخمی کردیاہے۔

سیکیورٹی ذرائع کے مطابق سیکیورٹی فورسز کی کارروائی کے باعث دہشت گرد چھوٹے گروہوں میں تقسیم ہوگئے۔ سیکیورٹی فورسز نے اب تک دہشت گردوں کے ہاتھوں یرغمال بنائے گئے ایک سوچارافراد کو بازیاب کرالیا ہے جن میں اٹھاون مرد، اکتیس خواتین اورپندرہ بچے شامل ہیں۔زخمی مسافروں کو قریبی ہسپتال منتقل کر دیا گیا ہے جبکہ اضافی سکیورٹی دستے علاقے میں آپریشن میں حصہ لے رہے ہیں۔سیکیورٹی فورسز نے آخری دہشت گرد کے خاتمے تک آپریشن جاری رکھنے کا عزم ظاہر کیاہے۔