وزیر داخلہ محسن نقوی نے آج اسلام آباد میں جمعیت علماء اسلام (ف) کے سرپرست اعلیٰ مولانا فضل الرحمن سے ملاقات کی اور اس دوران ملک کی مجموعی صورتحال خصوصاً کُرم میں امن
کیلئے کی جانے والی کوششوں پر تبادلۂ خیال کیا گیا۔
محسن نقوی نے کہا کہ کُرم میں امن کی بحال کیلئے تمام شراکت داروں کو اعتماد میں لیا گیا ہے۔
اُنہوں نے کہا کہ کچھ عناصر نے جان بوجھ کر کُرم کے معاملے پر غلط بیانی کیا۔ اُنہوں نے صورتحال بہتر بنانے کیلئے گرینڈ جرگہ کی کوششوں کو سراہا ۔
محسن نقوی اور مولانا فضل الرحمن نے پاراچنار میں امدادی سامان کے قافلوں کی آمد پر بھی اطمینان کا اظہار کیا۔
