ایس آئی ایف سی کی سہولت کاری سے "فون گرو" کی جانب سے تین ہفتوں پر مشتمل غیر ملکی ماہرین کی زیرِ نگرانی تربیتی پروگرام کامیابی سے مکمل ہو گیا ۔

"فون گرو" کا وژن پاکستان کے لائیوسٹاک کے شعبے کی بہتری اور ترقی میں پیشہ ور افراد کی استعداد کو بڑھانا ہے ۔

تربیتی پروگرام کا انعقاد برازیلین ویٹروجن انڈسٹری کے ماہر ڈاکٹر جولیانو اور ڈاکٹر ڈینیلی کی زیر نگرانی کیا گیا۔پروگرام کے دوران 15 شرکا نے اووا پک اپ، ان ویٹرو فرٹیلازیشن اور ایمبریو ٹرانسفر کی جدید تکنیکوں میں تربیت حاصل کی۔

اس حوالے سے خانیوال میں اسناد کی تقسیم کی تقریب میں کسانوں سمیت تعلیمی اداروں کے نمائندگان نے شرکت کی ۔

تربیتی پروگرام کا بنیادی مقصد پاکستان میں لائیو سٹاک کے شعبے کو فروغ دینا، جانوروں کی افزائش کے طریقوں کو بڑھانا اور پیشہ ورانہ ترقی کو فروغ دینا تھا۔