سپیکر قومی اسمبلی سردار ایاز صادق نے لاہور میں پاکستان مسلم لیگ نون کے صدر اور سابق وزیراعظم محمد نواز شریف سے ملاقات کی۔

ملاقات کے دوران ملک کی مجموعی سیاسی صورتحال اور پارٹی اور پارلیمانی امور پر تفصیلی تبادلہ خیال کیا گیا۔

سپیکر نے مسلم لیگ نون کے صدر کو قومی اسمبلی کے جاری اجلاس، قانون سازی کے عمل اور سولہویں قومی اسمبلی کے پہلے پارلیمانی سال کی کارکردگی کے بارے میں آگاہ کیا۔

نواز شریف نے پارلیمنٹ کی بالادستی، عوامی مفاد میں قانون سازی اور جمہوریت کی مضبوطی پر زور دیا۔

انہوں نے کہا کہ ایک مضبوط پارلیمنٹ ہی ملک میں سیاسی استحکام اور عوامی بہبود یقینی بنانے میں کردار ادا کر سکتی ہے۔