وزیراعظم محمد شہباز شریف نے کہا ہے کہ پوری قوم کو پاک فضائیہ پر فخر ہے اور وہ وردی میں ملبوس اپنے بیٹوں اور بیٹیوں کے ساتھ مضبوطی سے کھڑی ہے۔

انہوں نے ایکس پر ایک پوسٹ میں بہادر فضائی جنگجوں کی جرات، پیشہ ورانہ مہارت اور ناقابلِ تسخیر جذبے کو خراجِ تحسین پیش کیا۔

شہباز شریف نے کہا کہ ستمبر انیس سو پینسٹھ میں ہماری فضائی حدود کے شاندار دفاع سے لے کر مئی دو ہزار پچیس میں معرکہ حق کے دوران فیصلہ کن جواب تک، پاکستان ایئر فورس نے بہادری، مہارت اور قربانی کی اپنی قابلِ فخر روایت کو برقرار رکھا ہے۔

انہوں نے کہا غیر معمولی تیاری، جدید ٹیکنالوجی میں مہارت اور مسلح افواج کی دیگر سروسز کے ساتھ بہترین رابطہ کاری کے ذریعے پاکستان ایئر فورس نے بارہا ہر چیلنج کے خلاف پاکستان کی خودمختاری کے دفاع کی اپنی صلاحیت ثابت کی ہے۔