وزیر اعلیٰ پنجاب مریم نوازشریف نے متعلقہ محکموں کو انتباہ جاری کیا ہے اور انہیں ہدایت کی ہے کہ لاہور اور دوسرے شہروں سے بارش کے پانی کی فوری نکاسی کے لئے تمام وسائل بروئے کار لائے جائیں۔
انہوں نے متعلقہ محکموں کو ہدایت کی کہ وہ صوبے میں شدید بارشوں کے پیش نظر فوری کارروائی کریں اور انتظامی افسران اور واسا اہلکاروں کوموقع پر موجود رہنے کی ہدایت کی۔
ادھرپنجاب کی سینئر وزیر مریم اور نگزیب نے لاہور میں بارش سے متاثرہ مختلف علاقوں کا دورہ کیا۔
انہوں نے نشیبی علاقوں سے نکاسی آب کے کام کی نگرانی کی۔
