وفاقی کابینہ نے پی آئی اے کے پائلٹوں کے بارے میں سابق وزیر کے مبالغہ آرائی پرمبنی غیر ذمہ دارانہ بیان کے پس پردہ مقاصد کی تحقیقات کیلئے فیکٹ فائنڈنگ کمیٹی کی تشکیل کی منظوری دے دی۔
کمیٹی سابق وزیر کی جانب سے غیرذمہ دارانہ بیان کے نتیجے میں قومی ائیرلائن اور خزانے کو ہونے والے نقصانات کا تعین بھی کرے گی۔
کابینہ نے وفاقی حکومت کے زیرا نتظام میڈیکل اور ڈینٹل کالجوں کے صوبائی کوٹہ میں پچیس فیصد تک کمی کی منظوری دی۔
وفاقی کابینہ نے وزارت موسمیاتی تبدیلی کی سفارش پر مڈل ایسٹ گرین انیشیئیٹو کے چارٹر کی توثیق کی-
اجلاس کو بتایا گیا کہ پاکستان مذکورہ چارٹر کے بانی اراکین میں سے ہے ۔ اس انیشئیٹو کے تحت 200 ملین ہیکٹرز زمینی رقبے کی بحالی کی جائے گی اور 50 بلین درخت اگائے جائیں گے۔
