آزاد جموں کشمیر الیکشن کمیشن نے آزاد جموں کشمیر قانون ساز اسمبلی کے حلقہ پندرہ باغ دو کی خالی نشست کیلئے انتخابی شیڈول کا اعلان کر دیا ہے۔اس خالی نشست پر آٹھ جون کو پولنگ ہو گی۔کاغذات نامزدگی آئندہ ماہ کی دس تاریخ شام چار بجے تک جمع کرائے جا سکتے ہیں۔ کاغذات کی جانچ پڑتال اور اپیلوں کو نمٹانے کے بعد امیدواروں کی حتمی فہرست آئندہ ماہ کی انیس تاریخ کو شائع کر دی جائے گی۔یہ نشست آزاد جموں کشمیر ہائی کورٹ کی جانب سے سابق وزیراعظم سردارتنویر الیاس کو نااہل قرار دینے کے بعد خالی ہوئی تھی۔