خیبر پختونخوا کے نگران وزیر اعلیٰ محمد اعظم خان نے متعلقہ حکام کو صوبے میں مستحق اور ضرورت مند افراد تک مفت آٹے کی فراہمی کا طریقہ کار بہتر بنانے کی ہدایت کی ہے۔

آج پشاور میں جاری کئے گئے ایک بیان میں انہوں نے پورے خیبر پختونخوا میں مفت آٹے کی تقسیم کے دوران ضلعی انتظامیہ کے حکام کو اپنی موجودگی یقینی بنانے کا کہا۔

محمد اعظم خان نے مفت آٹے کی تقسیم کے عمل کی مکمل نگرانی کی ضرورت پر زور دیا تاکہ ضرورت مند اور غریب خاندان آٹا حاصل کر سکیں۔

وزیر اعلیٰ نے کسی بھی ناخوشگوار واقعے سے بچنے کیلئے مناسب اور موثر منصوبہ بندی کی بھی ہدایت کی۔