آزاد جموں کشمیر کے وزیراعظم راجہ فاروق حیدر خان نے کہا ہے کہ قابض بھارتی فوج کی جانب سے گزشتہ نو ماہ سے بدترین لاک ڈاون کے باوجود مقبوضہ جموں کشمیر کی عوام اپنی جدوجہد آزادی جاری رکھے ہوئے ہیں۔
اپنے پیغام میں انہوں نے کہا کہ کشمیری عوام جلد بھارتی تسلط سے آزادی حاصل کرلیں گے۔راجہ فاروق حیدر نے کہا کہ وہ دن دور نہیں جب کنٹرول لائن کے دونوں اطراف کے لوگ اکھٹے عید منائیں گے اور اس پرمسرت موقع کی خوشیاں بانٹیں گے۔(این این آر، وہاج بشیر)
