قومی اسمبلی کے سپیکر اسد قیصر نے کہا ہے کہ کشمیر پاکستان کی شہ رگ ہے اور ملک مقبوضہ کشمیر میں مظالم سے غافل نہیں رہ سکتا۔
انہوں نے یہ بات آج اسلام آباد میں آزاد کشمیر کے صدر سردار مسعود خان سے ملاقات کے دوران کہی۔
انہوں نے کہا کہ دنیا کو مقبوضہ کشمیر میں انسانی حقوق کی خلاف ورزیوں کانوٹس لینا چاہیے۔
سپیکر نے کہا کہ مسئلہ کشمیر کا حل صرف اقوام متحدہ کی سلامتی کونسل کی قراردادوں میں موجود ہے اور پاکستان اپنے کشمیری بھائیوں کے ساتھ کھڑا رہے گا۔
سردار مسعود خان نے اس موقع پر کہا کہ پوری قوم کسی بھی بھارتی جارحیت کا منہ توڑ جواب دینے کےلئے متحد ہے۔
