پاکستان نے اردن میں ایک گرجا گھر میں جنازے پر دہشت گردوں کے گھناؤنے حملے کی شدید مذمت کی ہے، جس کے نتیجے میں کئی قیمتی جانیں ضائع ہوئیں۔

دفترِ خارجہ کے ترجمان سجاد حیدر خان نے ایک بیان میں اپنے پیاروں کو کھونے پر برادر ملک اردن کی حکومت اور عوام، خصوصاً سوگوار خاندانوں سے دلی تعزیت کا اظہار کیا۔

انہوں نے کہا کہ پاکستان دہشت گردی کے خلاف جنگ میں اردن کے برادر عوام کے ساتھ کھڑا ہے اور ہر قسم کی دہشت گردی کی سخت ترین الفاظ میں مذمت کرتا ہے۔