ممتاز تجزیہ کاروں نے کہا ہے کہ وزیراعظم کے دورئہ ایران سے غلط فہمیاں دور کرنے اور دونوں ممالک کے درمیان دوطرفہ تعلقات مستحکم بنانے میں مدد ملے گی۔ریڈیو پاکستان کے خبروں اور حالات حاضرہ چینل سے گفتگو کرتے ہوئے انہوں نے کہا کہ دونوں ممالک کو سمگلنگ اور غیرقانونی نقل و حمل روکنے کیلئے اقدامات کرنے کی ضرورت ہے۔انہوں نے کہا کہ پاکستان سعودی عرب اور ایران کے درمیان کشیدگی ختم کرنے کے لئے ثالثی کا کردار ادا کر سکتا ہے۔تجزیہ کاروں میں ڈاکٹر ظفر نواز جسپال، ہمایوں اقبال شامی، ڈاکٹر فاروق حسنات، شاہد امین، ڈاکٹر زاہد انور خان اور ڈاکٹر شاہد حسن صدیقی شامل تھے۔