وزیر منصوبہ بندی احسن اقبال نے 10 ارب روپے کے اُڑان پاکستان انوویشن کے سیزن 2 کا باضابطہ آغاز کر دیا ہے۔

اسلام آباد میں افتتاحی تقریب سے خطاب کرتے ہوئے انہوں نے اس بات پر زور دیا کہ جدید معیشت میں قومی مسابقت کے لیے تخلیقی صلاحیتوں اور جدیدیت کو مرکزی حیثیت حاصل ہے۔

پاکستان کی تخلیقی صنعتوں بشمول موسیقی، آرٹ، ڈیزائن، کھیل اور ثقافت کی صلاحیت کو اجاگر کرتے ہوئے، انہوں نے ان شعبوں کواُڑان پاکستان کے دائرہ کار میں لانے کا اعلان کیا۔

احسن اقبال نے اگلی دہائی میں پاکستان کی برآمدات کو 32بلین ڈالر سے بڑھا کر 100 بلین ڈالر کرنے کے وژن کا خاکہ پیش کرتے ہوئے کہا کہ معاشی آزادی کا انحصار عالمی سطح پر مسابقتی مصنوعات اور خدمات کے ذریعے زرمبادلہ کمانے پر ہے۔