امور کشمیر کے وزیرعلی امین گنڈا پور نے کہاہے کہ پاکستان نے دنیا کو کامیابی سے دیرینہ مسئلہ کشمیر سے متعلق آگاہ کیا ہے اور بڑی تعداد میں ملکوں نے تنازعے کو جلد حل کرنے کا مطالبہ کیا ہے۔
آج ریڈیو پاکستان کے خبروں اور حالات حاضرہ کے پروگرام میں گفتگو کرتے ہوئے انہوں نے کہا کہ پاکستان مقبوضہ کشمیر میں حالیہ صورتحال سے متعلق پاکستان میں سارک ملکوں اور اسلامی تعاون تنظیم کے اجلاس بلانے کی منصوبہ بندی کررہا ہے جس سے یہ مسئلہ علاقائی اورعالمی سطح پر مزید اجاگر کرنے میں مدد ملے گی۔
پروگرام میں اظہارخیال کرتے ہوئے موسمیاتی تبدیلی کی وزیر زرتاج گل نے کشمیر کی آواز بلند کرنے اور اس مسئلے کو دنیا بھر میں اجاگر کرنے کےلئے ریڈیو پاکستان کےکردار کو سراہا۔
انہوں نے کہا کہ ریڈیو پاکستان واحد ذریعہ ہے جسے مقبوضہ کشمیر میں رسائی حاصل ہے۔