صدر آصف علی زرداری نے پاکستان اور ترکیہ کے درمیان سڑک اور ریلوے کے ذریعے رابطوں کو فروغ دینے پر زور دیا ہے جس کا مقصد دونوں برادر ملکوں کے عوام کے درمیان رابطوں کو مزید مستحکم کرنا ہے۔

انہوں نے یہ بات ترک چیف آف جنرل سٹاف Metin Gurak سے گفتگو کرتے ہوئے کیا جنہوں نے آج (جمعہ) کو اسلام آباد میں اپنے وفد کے ہمراہ صدر سے ملاقات کی۔

صدر نے کہاکہ پاکستان ترکیہ کے ساتھ باہمی دلچسپی کے تمام شعبوں میں تعاون مزید مستحکم کرنے کیلئے پرعزم ہے۔

انہوں نے خصوصا ادب اور شاعری کے شعبوں میں دوطرفہ ثقافتی تبادلے بڑھانے پر زور دیا تاکہ دونوں ملکوں کے عوام کو قریب لایا جاسکے۔

جوائنٹ چیفس آف سٹاف کمیٹی کے چیئرمین جنرل ساحر شمشاد مرزا اور پاکستان میں ترکیہ کے سفیر ڈاکٹر Mehmet Pacaci بھی اس موقع پر موجود تھے۔