وفاقی کابینہ کی جانب سے تعمیراتی صنعت کیلئے آرڈیننس کی منظوری قابل تعریف ہے اور اس اقدام سے قومی معیشت کو متحرک رکھنے میں مدد ملے گی۔پارلیمانی امور کے وزیر مملکت علی محمد خان سمندر پار پاکستانیوں کے امور کے بارے میں وزیراعظم کے معاون خصوصی سید ذوالفقار بخاری اور دیگر شرکاء نے یہ بات رات ریڈیو پاکستان کے خبروں اور حالات حاضرہ چینل کے ایک پروگرام میں اظہار خیال کرتے ہوئے کہی۔انہوں نے کہا کہ وزیراعظم عمران خان نے بیرون ملک مقیم پاکستانیوں کو فراموش نہیں کیا اور حکومت کو کورونا وائرس کی عالمی وباء پھیلنے کے باعث بیرون ملک پھنسے ہوئے پاکستانیوں کے بارے میں گہری تشویش ہے۔