اطلاعات و نشریات کے وزیر سینیٹر شبلی فراز نے اعتماد کا اظہار کیا ہے کہ پاکستان فنانشل ایکشن ٹاسک فورس کی گرے لسٹ سے باہر آجائے گا۔
آج ایک ٹویٹ میں انہوں نے کہا کہ جوپاکستان کو بلیک لسٹ میں دھکیلنا چاہتے ہیں وہ اپنے مذموم مقاصد میں کامیاب نہیں ہوں گے۔
شبلی فراز نے کہا کہ دشمنوں کی گھناونی کوششوں کو ناکام بنانے کےلئے وزیراعظم عمران خان کی قیادت میں قومی مفاد میں قانون سازی کی جاچکی ہے۔
انہوں نے کہا کہ اپوزیشن جماعتوں نے ایک بار پھر قومی مفاد کے بجائے منفی رویے کو ترجیح دی ہے۔
