آزادجموں وکشمیرکی حکومت نے وادی نیلم کے سیلاب متاثرین کیلئے امدادی کیمپ قائم کئے ہیں جہاں پاک فوج اور دوسرے امدادی ادارے متاثرین کو مدد فراہم کررہے ہیں۔آزاد کشمیر کے قدرتی آفات سے نمٹنے کے ادارے کے مطابق ڈیڑھ سو خاندانوں میں روزمرہ ضرورت کی اشیا پر مشتمل امدادی پیکیج تقسیم کئے گئے ہیں۔آزاد جموں و کشمیر کی حکومت نے ایک کمیٹی بھی تشکیل دی ہے جو متاثرین کی مکمل بحالی اور بنیادی ڈھانچے کی تعمیر نو کیلئے فزیبلٹی رپورٹ تیار کرے گی۔