پیشہ ورانہ اورفنی تربیت کاقومی کمیشن وزیراعظم کےہنرمند پاکستان پروگرام کے تحت ایک لاکھ ستر ہزار نوجوانوں کو تربیت فراہم کرے گا۔

 آج ریڈیو پاکستان کے خبروں اور حالات حاضرہ کے پروگرام میں اظہار خیال کرتے ہوئے نیوٹیک کے ایگزیکٹو ڈائریکٹر ڈاکٹر ناصر خان نے کہا کہ پروگرام کے تحت صنعتوں کی طلب کے مطابق نوجوانوں کو جدید ٹیکنالوجی کی تربیت دی جائے گی۔

 انہوں نے کہا کہ کورسز تین اور چھ ماہ کی تربیت پر مشتمل ہوں گے اور ہر تعلیمی سطح کے امیدوار اس پروگرام سے استفادہ کرسکتے ہیں۔

 یہ کورسز ملک بھر کے 558 مراکز میں شروع ہوں گے۔

فنی مہارتوں کی تربیت ،مصنوعی ذہانت، روبوٹیکس، کمپیوٹنگ، انفارمیشن ٹیکنالوجی اور روایتی پروگراموں میں فراہم کی جائے گی۔