آزاد جموں کشمیر کے صدر سردار مسعود خان نے کہاہے کہ نیلم جہلم پن بجلی منصوبہ تکمیل کے قریب ہے اور اگلے سال مارچ میں اس سے بجلی کی پیداوار شروع ہو جائیگی۔
انہوں نے ایک انٹرویو میں کہاکہ آزاد کشمیر میں بجلی کے کئی منصوبوں پر تیزی سے کام جاری ہے جن کی تکمیل سے آزاد کشمیر اور ملک بھر میں توانائی کی ضروریات پوری کر نے میں مدد ملے گی ۔
سردار مسعود خان نے کہا کہ آزاد کشمیر میں آئندہ دس سال میں بجلی کی پیداوار چھ ہزار سے بڑھ کر آٹھ ہزار میگا واٹ ہو جائیگی ۔
انہوں نے کہاکہ آزاد کشمیر میں پن بجلی کی پیداوار کے وسیع امکانات موجود ہیں لیکن ماضی میں اس طرف کوئی توجہ نہیں دی گئی جو ملک میں بجلی کے بحران کا باعث بنا ۔
آزاد کشمیر کے صدر نے کہاکہ میر پور میں صنعتی زون بھی قائم کیا جائیگا جس سے علاقے میں اقتصادی سرگرمیاںمزید تیز ہونگی ۔
