پنجاب حکومت نے لاہور شہر میں تمام تاریخی مقامات کو بحال کرنے اور اُن کے تحفظ کی غرض سے ورثے کی بحالی کیلئے لاہور اتھارٹی قائم کرنے کا فیصلہ کیا ہے۔
یہ فیصلہ لاہور میں پاکستان مسلم لیگ (ن) کے صدر محمد نواز شریف اور وزیراعلیٰ پنجاب مریم نواز کی زیر صدارت اجلاس میں کیا گیا۔
اجلاس میں تاریخی ورثے کے مقامات سے تجاوزات ہٹانے اور اس مہم سے متاثر ہونے والے افراد کو معاوضہ دینے پر اتفاق کیا گیا۔
اجلاس کو بتایا گیا کہ مجموعی طور پر ایک سوپندرہ عمارتوں کو تاریخی ورثے کا درجہ دے دیا گیا ہے اور اڑتالیس عمارتوں کی بحالی کا کام جاری ہے۔
