جماعت اسلامی کے سربراہ سراج الحق نے کہا ہے کہ متحدہ مجلس عمل عام انتخابات میں کامیابی حاصل کرنے کے بعد مرکز اور خیبرپختونخوا میں حکومتیں بنائے گی۔انہوں نے ان خیالات کا اظہار منگل کے روز باجوڑ کے علاقے خار میں ایک بڑے جلسہ عام سے خطاب کرتے ہوئے کیا۔انہوں نے کہاکہ ملک میں اسلامی قوانین پرعملدرآمد اور مساوی حقوق کی فراہمی متحدہ مجلس عمل کی اولین ترجیحات ہیں۔ بعد میں صحافیوں سے گفتگو کرتے ہوئے جماعت اسلامی کے رہنما نے کہا کہ متحدہ مجلس عمل کی سپریم کونسل نے قبائلی ضلعوں میں جماعت اسلامی کو قومی اسمبلی کی کل گیارہ نشستوں میں سے چار نشستوں پر امیدوار کھڑے کرنے کا فیصلہ کیا ہے۔