صدر آصف علی زرداری اور وزیراعظم محمد شہباز شریف نے انڈر 23 ورلڈ سکواش چیمپئن شپ جیتنے پر پاکستانی کھلاڑی نور زمان کو مبارکباد دی ہے۔

اپنے الگ الگ بیانات میں انہوں نے کہا کہ پوری قوم کو نور زمان کی کامیابی پر فخر ہے اور ان کی شاندار کارکردگی سے پاکستان کو عالمی سطح پر پذیرائی ملی ہے۔

صدر مملکت نے کہا کہ نور زمان کی مستقبل میں مزید کامیابیوں کیلئے پراُمید اور دعا گو ہوں۔

وزیراعظم نے اس اعتماد کا اظہار بھی کیا کہ پاکستان سکواش میں اپنا کھویا ہوا مقام دوبارہ حاصل کرے گا۔