امریکہ میں پاکستان کے سفیرسردارمسعودخان نے اسلام آباد میں آزادجموں وکشمیرکے صدر بیرسٹرسلطان محمودچودھری سے ملاقات کی۔انہوں نے باہمی دلچسپی کے امورخصوصاً بھارت کے غیرقانونی زیرقبضہ جموں وکشمیرمیں موجودہ سیاسی اورانسانی حقوق کی صورتحال پرتفصیلی تبادلہ خیال کیا۔مقبوضہ وادی میں بگڑتی ہوئی صورتحال پرگہری تشویش کااظہارکرتے ہوئے انہوں نے کہاکہ کشمیریوں کے خلاف بھارتی فوج کے مظالم بے نقاب کرنے اوربین الاقوامی سطح پر مسئلہ کشمیر اجاگرکرنے کے لئے کوششیں تیز کرنے کی ضرورت ہے۔