تجزیہ کاروں نے ایران اور امریکہ کے درمیان بڑھتی ہوئی کشیدگی پر پاکستان کا موقف مثبت قراردیا ہے۔
انہوں نے ریڈیو پاکستان کے خبروں اور حالات حاضرہ کے چینل سے گفتگو کرتے ہوئے کہا کہ روس اور چین کو خطے میں کشیدگی کے خاتمے کے لئے مداخلت کرنی چاہیے۔
تجزیہ کاروں نے کہاکہ پاکستان صورتحال کومعمول پرلانے میں امریکہ اورایران کے درمیان ثالثی کراسکتاہے۔
انہوں نے کہا کہ ہرملک اپنے قومی مفادات کاتحفظ کرتاہے اور پاکستان کسی دوسرے ملک کیخلاف اپنی سرزمین استعمال کرنے کی ہرگز اجازت نہیں دے گا۔
انہوں نے منشیات کے خلاف 'زندگی ایپ'' شروع کرنے کے حکومتی اقدام کو سراہتے ہوئے کہا کہ یہ منشیات کے نقصانات کے بارے میں آگاہی پیدا کرنے میں مددگار ثابت ہو گی۔
ان تجزیہ کاروں میں خالدخٹک، ضیاء الدین اسلام، ڈاکٹرظفرنوازجسپال، اکرام اللہ بھٹی ، ڈاکٹرمحمدخان اور سیدہ عابدہ حسین شامل ہیں۔