کل جماعتی حریت کانفرنس نے کہا ہے کہ بی جے پی کے زیرقیادت بھارتی حکومت غیر قانونی طور پر زیرقبضہ جموں وکشمیر میں اپنے ہندوتوا ایجنڈے کے نفاذ سے مقبوضہ وادی کے زمینی حقائق کو تبدیل نہیں کرسکتی۔
حریت کانفرنس کے ترجمان عبدالرشید منہاس نے سرینگر میں ایک بیان میں کہا کہ ایک دن بھارت کو مسئلہ کشمیر کے حل کیلئے اقوام متحدہ کی قراردادوں کوتسلیم کرنا پڑے گا۔
حریت کانفرنس نے اقوام متحدہ سے مطالبہ کیا کہ وہ بھارت کا کشمیریوں کے خلاف اس کے جاری جرائم پر بین الاقوامی قوانین کے تحت محاسبہ کرے۔
