وزیر خزانہ محمد اورنگزیب نے پائیدار اقتصادی استحکام یقینی بنانے کے لیے ادارہ جاتی اصلاحات کی ضرورت پر زور دیا ہے۔

انہوں نے آج(بدھ کو) اسلام آباد میںپاکستان اکانومی ڈیش بورڈ کے اجرا کی تقریب سے خطاب کرتے ہوئے کہا کہ تمام توقعات سے بڑھ کر مہنگائی میں کمی ہوئی ہے اور امید ہے کہ یہ ملک کی معیشت کو سہارا دے گی۔

انہوں نے یقین ظاہر کیا کہ مہنگائی میں کمی ملک کو استحکام سے ترقی کی راہ پر گامزن کرنے میں معاون ثابت ہو گی ۔

اکانومی ڈیش بورڈ کے حوالے سے وزیر خزانہ کا کہنا تھا کہ یہ شفافیت اور حقیقت پر مبنی نقطۂ نظرکو بھی فروغ دے گا۔

اُنہوں نے یقین ظاہر کیا کہ اس سے اقتصادی منظرنامہ اور شراکت داروں کے ساتھ گفتگو کا معیار بہتر ہوگا۔