معروف تجزیہ کاروں نے پاکستان کو مؤخر ادائیگی پر تیل اور گیس کی سہولت فراہم کرنے پر سعودی عرب کی تعریف کی ہے۔انہوں نے ریڈیو پاکستان کے خبروں اورحالات حاضرہ کے چینل سے گفتگو کرتے ہوئے کہا کہ پاکستان کو توقع ہے کہ سعودی عرب کی اس سہولت سے ادائیگیوں کے توازن پر دباؤ کم کرنے میں مدد ملے گی۔انہوں نے کہا کہ پاکستان علاقائی اور مشرق وسطیٰ کے ممالک کے درمیان موجودہ کشیدگی کم کرنے میں اہم کردار ادا کر سکتا ہے۔انہوں نے کہا کہ یہ بہترین وقت ہے کہ افغانستان دہشت گردی کے مکمل خاتمے کے لئے پاکستان کے ساتھ تعاون کرے۔انہوں نے کہاکہ خطے سے دہشت گردی کے خاتمے کے لئے مشترکہ کوششوں کی ضرورت ہے۔تجزیہ کاروں میں ڈاکٹر ہما بقائی، ڈاکٹر رشید احمد خان، ڈاکٹر فاروق حسنات، ڈاکٹر اے زیڈ ہلالی اور ڈاکٹرزاہد انور خان شامل تھے۔