ممتازسیاسی اورسماجی تجزیہ کاروں نے کہاہے کہ پاکستان امت مسلمہ کاواحدملک ہے جس نے ہالینڈ میں گستاخانہ خاکوں کے معاملے پر بھرپوراورطاقتورآوازاٹھائی۔

معروف تجزیہ کاروں ریاض فتیانہ، عندلیب عباس، جاویدعلی خان، ہمایوں اقبال شامی اور فاروق حسنات نے ریڈیو پاکستان کے خبروں اورحالات حاضرہ کے چینل میں اظہارخیال کرتے ہوئے کہاکہ پاکستان تحریک انصاف کی حکومت نے ڈچ رکن پارلیمنٹ کی طرف سے گستاخانہ خاکوں کے معاملے میں ناموس رسالت کے تحفظ کے لئے عملی اقدامات کئے۔انہوں نے کہاکہ پاکستان ریاست مدینہ کے سنہرے اصولوں کی پیروی کرکے ایک عظیم مملکت بنے گا۔انہوں نے کہاکہ ملک میں قرآن وسنت کی تعلیمات کے خلاف کوئی قانون نہیں بنایاجاسکتا۔