خصوصی سرمایہ کاری سہولت کونسل کے زیر اہتمام اسلام آباد میں پاکستان کے سب سے بڑے انفارمیشن ٹیکنالوجی پارک کے قیام کی منظوری دی گئی ہے۔
آئی ٹی پارک وفاقی دارالحکومت کے جی ٹین سیکٹر میں تین ایکڑ سے زائد رقبے پر قائم کیا جائے گا۔
یہ پارک پاکستان کے ٹیکنالوجی کے شعبے میں ایک اہم سنگ میل ہے جس سے جدت اور ترقی کے شاندار مواقع فراہم ہوں گے۔یہ آئی ٹی پارک سرکاری و نجی شراکت داری کے تحت قائم کیا جائے گا جس میں تقریباً چھ ہزار فری لانسرز کو جدید سہولتیں فراہم کی جائیں گی۔اس منصوبے کا مقصد آئی ٹی صنعت میں تخلیق اور تعاون کی حوصلہ افزائی کیلئے سازگار ماحول فراہم کرنا ہے۔
