ایف سی بلوچستان نارتھ کی جانب سے یکم تا 19 نومبر 2024 کے دوران بلوچستان کے دور دراز علاقوں میں 22 مفت طبی کیمپس کا انعقاد کیا گیا۔

میڈیکل کیمپس میں عورتوں اور بچوں سمیت 10ہزار850 سے زائد مریضوں کو مفت طبی سہولیات فراہم کی گئیں۔

الشفا آئی ٹرسٹ اور ایس پی سی بی کے باہمی اشتراک سے ڈھاڈر، مچھ، کوئٹہ اور ڈیرہ بگٹی میں 4 مفت آئی کیمپس کا بھی انعقاد کیا گیا۔

بلوچستان کے علاقوں لہڑی، میوند، قلعہ سیف اللہ اور ژوب کے نواحی علاقوں میں ایف سی بلوچستان نے عمائدین کے ساتھ جرگوں کا انعقاد بھی کیا جس میں مقامی عمائدین نے دہشتگردی کے خلاف جنگ میں پاک فوج اور ایف سی بلوچستان کو اپنی بھر پور معاونت کا یقین دلایا۔