چیئرمین پاکستان کرکٹ بورڈ محسن نقوی نے لندن میں انگلینڈ اینڈ ویلز کرکٹ بورڈ کے چیئرمین رچرڈ تھامسن سے ملاقات کی۔

ملاقات کے دوران رچرڈ تھامسن نے چیئرمین محسن نقوی اور پی سی بی کے لیے آئندہ آئی سی سی چیمپئنز ٹرافی ٹورنامنٹ کے لیے نیک خواہشات کا اظہار کیا۔

انہوں نے کہا کہ انگلینڈ کا حالیہ دورہ پاکستان ایک شاندار تجربہ تھا۔

محسن نقوی نے کہا کہ پاکستان آئی سی سی چیمپئنز ٹرافی ٹورنامنٹ کے لیے پوری طرح تیار ہے۔

انہوں نے کہا کہ سٹیڈیمز کو جدید سہولیات سے آراستہ کیا جا رہا ہے اور ہر سطح پر فول پروف انتظامات کئے جا رہے ہیں۔