بھارتی فوج کا چناب بریگیڈ بھارت مخالف اور آزادی کی حامی سرگرمیوں کی روک تھام کی آڑ میںضلع جموں میں قاتل گروہ ویلیج ڈیفنس گارڈز کے ارکان کو نہایت سخت تربیت دے رہا ہے۔

کشمیر میڈیا سروس کے مطابق بھارت کے غیر قانونی زیرِ قبضہ جموں و کشمیر میں بھارتی عسکریت پسندی کی حکمت عملی کے تحت جموں کے پسماندہ علاقوں میں ہندو انتہاپسندوں پر مشتمل ویلیج ڈیفنس گارڈز کو فروغ دیا گیا ہے۔

ماضی میں عوام الناس کو نشانہ بنانے والے ملیشیاء جیسے گروہوں کے فروغ پر انسانی حقوق کیلئے کام کرنے والے اداروں اور مقامی لوگوں میں سخت تشویش پائی جاتی ہے۔

ناقدین کا کہنا ہے کہ ویلیج ڈیفنس گارڈز کی تربیت اور انہیں مسلح کرنا تاریخ کو دہرانے کا سبب بن سکتا ہے ، جیسا کہ اس اقدام میں مناسب نگرانی اور احتساب کا طریقہ کار موجود نہیں۔