وفاقی حکومت نے ملک کے موٹرویز اور ہائی ویز کے ساتھ تجارتی طور پر پھلوں کے درخت لگانے کے ایک نئے منصوبے کا اعلان کیا ہے۔
منصوبے کو اسلام آباد میں موسمیاتی تبدیلی کے وزیر ڈاکٹر مصدق ملک اور وزیر مواصلات علیم خان کے درمیان ملاقات کے دوران حتمی شکل دی گئی۔
پروگرام کے تحت نجی سرمایہ کار تین سالہ ماڈل کے تحت آب و ہوا کے مطابق پھلوں کے باغات کے لئے زمین لیز پر لیں گے۔
اس موقع پر خطاب کرتے ہوئے ڈاکٹر مصدق ملک نے کہا کہ نجی شعبے کی شمولیت سے سرسبزپاکستان کو فروغ دیاجاسکتاہے اور معاشی مواقع پیداکئے جاسکتے ہیں۔
انہوں نے مزید کہا کہ موسمیاتی تبدیلی کی وزارت اس سلسلے میں تکنیکی تعاون فراہم کریگی جس میں کاربن کریڈٹ کے حصول میں مدد بھی شامل ہے۔
