وزارتِ مذہبی امور نے کہا ہے کہ نجی حج سکیم کے تحت پاک حج ایپ اور سرکاری حج پورٹل کے ذریعے بکنگ جاری ہے۔

وزارت کے ترجمان کے مطابق نجی سکیم کے تحت تقریباً چونسٹھ ہزار حج نشستیں دستیاب ہیں، جن میں سے اب تک سات ہزار چھ سو عازمین کی بکنگ مکمل ہو چکی ہے۔

ترجمان نے کہا کہ پچیس مجاز حج کمپنیوں نے حج پورٹل کے ذریعے مجموعی طور پر چھ اعشاریہ اٹھاسی ارب روپے وصول کیے ہیں۔

انہوں نے کہا کہ ان کمپنیوں نے عازمین کے لیے دو ہزار سے زائد مختلف حج پیکیجز متعارف کرائے ہیں۔

نجی حج سکیم کے تحت بکنگ کی آخری تاریخ رواں سال بیس نومبر مقرر کی گئی ہے۔

وزارتِ مذہبی امور نے واضح کیا ہے کہ نجی حج سکیم کے تحت حج کی بکنگ اور ادائیگیاں صرف پاک حج ایپ اور سرکاری حج پورٹل کے ذریعے ہی کی جا سکتی ہیں۔