نئی دہلی میں پاکستان کے ہائی کمیشن نے پاکستان میں رواں ماہ کی چودہ سے تئیس تاریخ تک بابا گورونانک دیوجی کے جنم دن کی تقریبات میںشرکت کیلئے بھارت سے آنے والے سکھ یاتریوں کیلئے تین ہزار سے زائد ویزے جاری کر دیئے ہیں۔
ہائی کمیشن کی سماجی رابطے کی ویب سائٹ ایکس پر ایک پوسٹ میں ناظم الامور سعد احمد وڑائچ نے یاتریوں کو اس موقع پر دلی مبارکباد دی اوریاترا کو خوش اسلوبی سے مکمل کرنے کے لئے نیک خواہشات کا اظہار کیا۔
