پاکستان سمیت آٹھ اسلامی ممالک نے مقبوضہ فلسطینی علاقے میں غیر قانونی یہودی بستیوں سے اشیاء کی درآمد پر پابندی عائد کرنے کے برطانیہ کے فیصلے کا خیرمقدم کیا ہے۔
پاکستان، ترکیہ، مصر، انڈونیشیا، اردن، قطر، سعودی عرب اور متحدہ عرب امارات کے وزرائے خارجہ نے ایک مشترکہ بیان میں اس فیصلے کو سراہا۔
وزرائے خارجہ نے کینیڈا، ڈنمارک، فن لینڈ، فرانس، آئس لینڈ، آئرلینڈ، ناروے، پولینڈ، پرتگال، اسپین، سویڈن اور برطانیہ کے وزرائے خارجہ کی جانب سے مسئلہ فلسطین کے دو ریاستی حل سے متعلق جاری کردہ مشترکہ بیان کو بھی قابل ستائش قرار دیا۔
