خارجہ امور کی وزیر مملکت حنا ربانی کھر سالانہ مانامہ مذاکرات میں شرکت کے لئے کل بحرین کا دورہ کریں گی۔دفتر خارجہ کے مطابق وزیر مملکت علاقائی سیکورٹی خطرات کے بارے میں گول میز کانفرنس اور پینل مباحثوں میں شرکت کریں گی۔ اس موقع پر وہ دیگر عالمی رہنمائوں سے بھی ملاقات کریں گی۔وزیرمملکت لندن میں یوم دولت مشترکہ اور دولت مشترکہ کے وزرائے خارجہ کے اجلاس میں شرکت کے لئے پیر سے برطانیہ کا تین روزہ سرکاری دورہ بھی کریں گی۔