منصوبہ بندی کے وزیر احسن اقبال نے سعودی عرب میں مقیم پاکستانی کاروباری برادری پر زور دیا ہے کہ وہ دونوں ملکوں کے درمیان تجارتی تعلقات کو وسعت دینے کیلئے فعال کردار ادا کریں۔
جدہ میں پاکستانی کاروباری برادری کی جانب سے دیئے گئے استقبالیہ سے خطاب کرتے ہوئے انہوں نے پاکستانی برانڈز کو عالمی سطح پر منوانے کی ضرورت پر زور دیا۔
وزیر منصوبہ بندی نے کہا کہ اڑان پاکستان ایک ایسا پروگرام ہے جس کا مقصد ملک کی ترقی کیلئے پائیدار اور دیرپا بنیادیں فراہم کرنا ہے۔
احسن اقبال نے کہا کہ حکومت نے بلوچستان میں معدنیات کی ترقی کیلئے منصوبے شروع کئے ہیں اور یقین ظاہر کیا کہ اس اقدام سے یہ پاکستان کا سب سے زیادہ خوشحال صوبہ بن جائے گا۔
