وزیراعلیٰ خیبرپختونخوا محمود خان نے کہا ہے کہ قبائلی علاقوں کو درپیش مسائل کا حل اور ان کے احساس محرومی کو ختم کرنا موجودہ حکومت کی اولین ترجیح ہے۔

جمعرات کے روز پشاور میں ضم شدہ اضلاع کی ٹاسک فورس کے اجلاس کی صدارت کرتے ہوئے انہوں نے کہا کہ ان علاقوں میں معیاری طبی سہولت، تعلیم اور پینے کے صاف پانی کی فراہمی پر خصوصی توجہ دی جائے۔

محمود خان نے قبائلی اضلاع میں جاری تمام ترقیاتی منصوبوں کی بروقت تکمیل کی ہدایت کی۔اجلاس میں قبائلی اضلاع میں امن عامہ اور انتظامی امور کا بھی جائزہ لیا گیا۔