وزیراعلی بلوچستان میر سرفراز بگٹی نے کہا ہے کہ وفاقی حکومت اور بلوچستان کی حکومت صوبے کے مسائل حل کرنے کے حوالے سے یکساں موقف رکھتی ہیں۔
انہوں نے آج اسلام آباد میں اتحادی سیاسی جماعتوں کے رہنمائوں کے ہمراہ ایک نیوز کانفرنس سے خطاب کرتے ہوئے کہا کہ پاکستان کی ریاست بلوچستان میں شورش کے خطرات اور وجوہات کی روک تھام کیلئے ضروری اقدامات کررہی ہے۔
سرفراز بگٹی نے کہا کہ بلوچستان میں شورش کی کئی وجوہات ہیں تاہم حکومت اچھے نظم ونسق کے ذریعے اس مسئلے کو حل کرنے کی کوشش کررہی ہے۔انہوں نے گوادر اور تربت میں دہشتگرد حملوں کو ناکام بنانے پر سیکورٹی فورسز کی تعریف کی۔
