وزیراعلیٰ سندھ مراد علی شاہ نے ماحولیاتی تبدیلی کے مضر اثرات سے نمٹنے کیلئے اجتماعی کوششیں کرنے کی ضرورت پر زور دیا ہے۔

کراچی میں اوورسیز انویسٹرز چیمبرآف کامرس اینڈ انڈسٹری کے زیر اہتمام تیسری پاکستان ماحولیاتی کانفرنس سے خطاب کرتے ہوئے انہوں نے کہا کہ پاکستان ماحولیاتی تبدیلی سے سب سے زیادہ متاثر ہوا ہے۔

سید مرا د علی شاہ نے کہا کہ تباہ کن سیلابوں نے ہمیں معاشی اور سماجی بحرانوں سے دو چار کردیا ہے۔ انہوں نے ماحولیاتی تبدیلی کے ناگوار اثرات سے نمٹنے کے لئے اجتماعی کوششوں کی ضرورت پرزور دیا۔