سندھ حکومت نے رمضان المبارک کے دوران سو کے قریب رعایتی نرخوں پر روز مرہ اشیا کی فراہمی کیلئے صوبے بھر میں مارکیٹس قائم کردی ہیں۔ ایک بیان میں سندھ کی یونیورسٹیز اور بورڈ کے وزیر محمد اسماعیل راہو نے کہا ہے کہ منافع خوروں اور ذخیرہ اندوزوں کے خلا ف کارروائی جاری ہے اور پانچ سو بارہ کے قریب ناجائز منافع خوروں پر دو کروڑ روپیسے زائد جرمانہ عائد کیاگیا۔انہوں نے کہا کہ حکومتی نرخ نامے کے نفاذ کو یقینی بنانے کے لئے ہر ممکن اقدامات کئے جارہے ہیں۔
