خیبرپختونخوا حکومت نے کیلاش ویلی ڈویلپمنٹ اتھارٹی کے قیام کی منظوری دی ہے جس کا مقصد چترال میں کیلاش کی تاریخی ثقافت کا تحفظ ہے۔ اس کااعلان وزیراعلیٰ خیبرپختونخوا کے معاون خصوصی برائے اقلیتی امور وزیرزادا نے پاکستان کونسل برائے عالمی مذاہب کے ساتھ ایک یادداشت کے معاہدے پردستخط کرتے ہوئے کیا۔اتھارٹی کے قیام کا مقصد اس امرکویقینی بنانا ہے کہ وادی کے رہائشی علاقے میں کوئی غیرمنظور شدہ عمارت تعمیرنہ ہو اور قدیم قبائل کے لئے تعمیر کی جانے والی حکومتی سکیموں سے علاقے کی ثقافت کونقصان نہ پہنچے۔اس موقع پر بات کرتے ہوئے وزیرزادا نے کیلاش کے مقامی افراد کو اپنی ثقافت سے منسلک رہنے پرسراہا جو اب حکومت کی طرف سے اور محفوظ کی جائے گی۔