پنجاب کے نگران وزیراعلیٰ سید محسن نقوی نے کہا ہے کہ دنیا بھر کے سکھ یاتریوں کو صوبے کے مذہبی مقامات کے دورے کے دوران تمام تر سہولیات فراہم کی جائیں گی۔وہ لاہور میں دنیا بھر سے آئے ہوئے سکھ یاتریوں کے اعزاز میں منعقدہ ایک تقریب سے خطاب کر رہے تھے۔انہوں نے کہا کہ حکومت سکھوں کو واپسی پر ننکانہ صاحب کا مقدس پانی ڈبوں میں بند کر کے دینے پر کام کر رہی ہے۔وزیراعلیٰ نے لاہور سے کرتاپور تک سڑک کی تعمیر کا بھی اعلان کیا جس کی حالت انتہائی خراب ہے۔